जी-मेलमध्ये एखाद्या विशिष्ट प्रकारची अॅटॅचमेंट (उदा. pdf, doc, xls, wmv, ppt) असलेले मेल कसे शोधावे, अशी विचारणा साधी-सोपी टेक्नॉलॉजीचे वाचक सचिन दुभाषी यांनी केली होती.जी-मेलच्या सर्च बॉक्समध्ये पुढील फॉरमॅटमध्ये क्वेरी दिल्यास तुम्हाला हवा तसा रिझल्ट मिळू शकेल.तुम्हाला पीडीएफ अॅटॅचमेंट असलेल्या मेल्स शोधायच्या असतील तर पुढीलप्रमाणे सर्च द्याः
filename:{pdf}
याच पद्धतीने तुम्ही महिरपी कंसात स्पेस देऊन विविध प्रकारच्या अॅटॅचमेंट्स शोधू शकता. एखाद्या ठराविक व्यक्तीकडून आलेल्या अॅटॅचमेंट शोधण्यासाठी अॅडव्हान्स्ड सर्च अॉप्शन्समध्ये जाऊन From मध्ये त्या व्यक्तीचे नाव व Has the words मध्ये filename:{pdf doc} असे टाईप करा. तुम्हाला हवे ते रिझल्ट्स मिळतील. वेळ वाचवण्यासाठी ही टिप खूप उपयोगी ठरते.

आपण कॉम्प्युटर रोजच वापरतो पण, सुरुवातीला जेवढा तो फास्ट चालतो, त्यापेक्षा खूपच हळू ऑपरेट व्हायला लागतो. सगळं  पटापटा करायची सवय लागली, की असा स्लो कॉम्प्युटरनको वाटतो. मग कॉम्प्युटरवर नुसतंच भरपूर फाईल्स लोड करून ठेवण्यापेक्षा जर अधून-मधून त्याची काळजी घेतली. तर कॉम्प्युटर स्लो पडणार नाही.
तुम्ही दिलेली ऑर्डर पूर्ण करायला कॉम्प्युटरनं वेळ घ्यायला सुरुवात केली, की समजा देखभालीची वेळ आली आहे. सगळ्यात आधी, कॉम्प्युटरवर एक चांगलं अँटीव्हायरस सॉफ्टवेअर इन्स्टॉल करून ठेवावं व्हयरसचा धोका कायमच असतो. इंटरनेट असेल, तर तो धोका अजूनच वाढतो. त्यामुळे, चांगला अँटीव्हायरस असणं कधीही उपयोगी पडू शकतं सगळा कॉम्प्युटर नीट स्कॅन केला, की पुन्हा चालवून बघा.
तसंच, डेक्सटॉपवर कुठलीही फाईल किंवा प्रोग्राम थेट सेव्ह करू नका. डेक्सटॉपवर कमीत कमी आयकॉन्स असावेत. भरपूर आयकॉन्स असले की स्पीड कमी होऊ शकतो. ठराविक काळानंतर डिक्स क्लीन अप करणं गरजेचं असतं इंटरनेट वापरताना किंवा दुसरी कामं करताना, त्या फाईल्स टेंपररी स्वरुपात साठवल्या जातात.
इंटरनेटवरील पेजेस डाऊनलोड होताना त्या तात्पुरत्या आपल्या कॉम्प्युटरवर सेव्ह केल्या जातात. त्या डिलीट करणं गरजेचं असतं यासाठी, स्टार्ट मेनुमध्ये ऑल प्रोग्रॅम्स मध्ये जाऊन ऍक्सेसरीज या ऑप्शनमध्ये डिस्क क्लिन अप सिलेक्ट करा. मग एक एक ड्राईव्ह निवडून क्लिनिंग सुरु करा. मग तिथे आपल्याला नको असलेल्या फाईल्सचे ऑप्शन दाखवतात. सिलेक्ट ऑल करून किंवा विशिष्ट प्रकार निवडून आपण त्या फाईल्सचे ऑप्शन दाखवतात. सिलेक्ट ऑल करून किंवा विशिष्ट प्रकार निवडून आपण त्या फाईल्स डिलीट करू शकतो. प्रत्येक फाईलची साईज जरी छोटी असली, तरीही खूप फाईल्स साठल्या की एकदम मोठी जागा व्यापली जाते.
त्याचप्रमाणे, या ऍक्सेसरीज ऑप्शनमध्ये डिस्क फ्रँगमेंटेशन नावाचाही ऑप्शन असतो. आपण एखादी फाईल सेव्ह करताना ती हार्ड डिक्सवर सेव्ह केली जाते. म्हणजेच त्या फाईलला एक विशिष्ट जागा नेमून दिलेली असते. जेव्हा रिकामी होते. त्या डा्रईव्हच्या एकूण साईजमध्ये जरी ती जागा रिकामी दिसली, तरीही नवीन फाईल सेव्ह करताना त्याच जागी सेव्ह केली जात नाही समजा, एक ते दहा या लोकेशन्सवर  आपण फाईल सेव्ह केल्या आहेत. त्यानंतर चार, सात, नऊ या लोकेशनवरील फाईल ओपन करण्याची ऑर्डर दिली, की प्रोसेसनुसार एक ते दहा सगळीकडे शोधली जाते. या मधल्या जागा रिकाम्या असल्यामुळे तेवढा वेळ वाया जातो. डिप्रॅगमेंटेशन केलं की या मधल्या जागा भरून निघतात. मात्र डिप्रॅगमेंटेशन करताना त्या ड्राईव्हवरच्या डेटाचा आधीच बॅक अप घेऊन ठेवावा, कारण कधी कधी यात डेटा करप्ट होण्याचीही शक्यता असते.
-सुधीर मोकाशे.......

आपण वापरत असलेल्या इंटरनेटचा वेग (Speed) वाढविण्यासाठी आपल्या कॉम्प्युटरमध्येच सोय केलेली असते. प्रत्यक्षात इंटरनेटचा वेग हा आहे तेवढाच असतो, पण
आपल्या कॉम्प्युटरमधिल विंडोजमध्येच एका जागी तो वेग थोडासा कमी केलेला असतो. याच जागी जर आपण वेग थोडासा कमी करण्याची कमांड बदलून व्यवस्थित दिल्यास थोड्याप्रमाणामध्ये इंटरनेटचा वेग वाढू शकतो.

खाली दिल्याप्रमाणे जर आपण बदल केल्यास आपण वापरत असलेल्या इंटरनेटचा वेग थोड्याप्रमाणामध्ये वेग वाढू शकतो.

१) ''स्टार्ट' बटणावरील ' रन (Run...) ' या विभागावर क्लिक करा आणि त्याजागेमध्ये gpedit.msc टाईप करुन 'OK' बटणावर क्लिक करा.

 

 

 

 

 

२) आता आपल्यासमोर "Group Policy" नावाचा प्रोग्रॅम सुरु होईल.

 

 

 

 

 

 

३) या "Group Policy" प्रोग्रॅमच्या डाव्या बाजूच्या जागेतील Local Computer Policy मधिल Computer Configuration मधिल Administrative Templates मधिल Network मधिल QoS Packet Scheduler वर क्लिक करा.

 

 

 

 

 

 

४) आता उजव्या बाजूच्या जागेतील " limit reservable bandwidth "  वर डबल क्लिक करा.

 

 

 

 

 

 

५) आता आपल्यासमोर limit reservable bandwidth Properties चा चौकोन उघडेल. त्यातील ' Enabled ' वर क्लिक करुन खालील जागेतील Bandwidth limit % समोरील संख्या बदलून त्याजागी शून्य (०) ही संख्या टाईप करा आणि 'OK' बटणावर क्लिक करा.

 

 

 

 

 

 

६) आता पाहा पुढल्या वेळेसे इंटरनेट वापरताना थोडाफार फरक जाणवतो का?

 

मोबाइलवर बटणं फक्त बारा, शून्य ते नऊ आणि स्टार व हॅश. याचा उपयोग करून तब्बल बावीस भारतीय भाषांमध्ये एसएमएस करण यासाठी सोय करायची म्हणजे खूपच किचकट काम. पण भारतीय तज्ज्ञांनी अडचणींवर मात केली आहे
 मराठीचं राजकारण करणाऱ्यांची संख्या वाढतेय पण रोजच्या वापरातले विविध कंपन्यांचे मोबाइल मराठमोळे व्हावेत यासाठी किती जण प्रयत्न करत आहेत? अर्थात राजकारण्यांनी काही केलं नाही तरी संशोधक मंडळी गप्प बसलेली नाहीत. चेन्नईच्या आयआयटी मदास आणि सेंटर फॉर एक्सलन्स इन वायरलेस टेक्नॉलॉजी (सीईडब्ल्यूआयटी) या दोन संस्थांनी एकत्र येऊन काम सुरू केलं आहे. सगळे प्रयोग व्यवस्थित पार पडले आणि आवश्यक ती तांत्रिक मंजुरी मिळाली तर वर्षभरात मराठीसह बावीस भारतीय भाषांमध्ये एसएमएस करण्याची सोय उपलब्ध होणार आहे. भारतीयांसाठी ही मोठी मोबाइल क्रांती ठरणार आहे. मोबाइलवर बटणं फक्त बारा, शून्य ते नऊ आणि स्टार व हॅश. याच उपलब्ध बटणांचा उपयोग करून तब्बल बावीस भारतीय भाषांमध्ये एसएमएस करण्यासाठी सोय करून द्यायची म्हणजे खूपच किचकट काम. पण भारतीय तज्ज्ञांनी अडचणींवर मात केली आहे. विशिष्ट सेटिंग करून थर्ड जनरेशनच्या तसंच नव्या मोबाइलवरून बावीस भारतीय भाषांतून एसएमएस करण्याची सोय करून देण्यात येणार आहे. त्यासाठी खास स्क्रिप्ट तयार करण्यात आले आहे. आता फक्त काही प्रयोग व्हायचे आहेत. सगळ्या मोबाइल कंपन्या, मोबाइल सेवा देणारे ऑपरेटर्स आणि टेलिकॉम रेग्युलेटरी अथॉरिटी ऑफ इंडिया (ञ्जक्रन्ढ्ढ) यांच्याकडून परवानगी मिळताच भारतीयांना मायबोलीतून एसएमएस करता येतील. बँका, खाजगी कंपन्या आपल्या ग्राहकाला त्याच्या भाषेत समजेल असा एसएमएस पाठवू शकतील. संवाद साधणं खूप सोपं होईल.
विचार करा इंग्रजी आणि बावीस भारतीय भाषा म्हणजे तेवीस भाषेत एसएमएसची सोय करून द्यायची. ऐकायलाच गंमत वाटते पण प्रत्यक्षात आणायला तेवढंच कठीण. इंग्रजीत एक अक्षर टाइप करण्यासाठी सात बीट पुरतात. या पध्दतीने १६० अक्षरांचा (कॅरेक्टर्सचा) एसएमएस तयार करून पाठवता येतो. याच्या अगदी उलट कोणत्याही भारतीय भाषेतला एसएमएस तयार करायचा तर युुनिकोड नावाचे तज्ज्ञांनी तयार केलेले खास स्क्रिप्टच वापरावे लागते. या स्क्रिप्टने एक अक्षर टाइप करण्यासाठी लागतात तब्बल सोळा बीट. या हिशोबाने फक्त सत्तर अक्षरांचा एसएमएस भारतीय भाषेत पाठवावा लागेल. पण इतका छोटा एसएमएस पाठवणं भारतीयांना पसंत पडणार नाही. इंग्रजीत भरपूर मोठा संदेश लिहिण्याची सोय असताना भारतीय भाषेत इतकी मर्यादा तर कोणीच खपवून घेणार नाही. याची जाणीव ठेवूनच आयआयटी मदास आणि सीईडब्ल्यूआयटीच्या तज्ज्ञांनी सात बीट एन्कोडींग तयार केली आहे. या शोधामुळे भारतीय भाषेतही १६० अक्षरी एसएमएस पाठवता येणार आहे. अडचण फक्त एकच आहे. सध्या तयार होत असलेली भारतीय भाषांतून एसएमएस करण्याची सोय वापरात असलेल्या मोबाइलमध्ये कशी उपलब्ध करायची? त्यासाठी एक सॉफ्टवेअर तयार करण्याचं काम सुरू आहे. आगामी दहा-बारा महिन्यांत हे सॉफ्टवेअर तयार होईल. त्यानंतर वापरात असलेल्या मोबाइलमध्ये हे सॉफ्टवेअर टाकून त्यांना भारतीय भाषांतून एसएमएस करण्याची सोय करून देता येईल, असा विश्वास तज्ज्ञांना वाटतो आहे. भारतीय भाषांतील एसएमएससाठी विविध अक्षर शैली (फाँट) तयार करण्याचंही काम सुरू आहे. थोडक्यात काय तर, यंदा नाही पण पुढच्या दिवाळीत तेवीस भाषांतून एसएमएस करून शुभेच्छा नक्कीच पाठवता येतील.